Aksjeoppgåva 2023 - Korrigerbar (RF-1088K)

Leveringsfristen følgjer skattemeldingsfristen. For dei fleste er dette 30. april. Dersom du har fått utsett fristen for levering av skattemeldinga, gjeld den utsette fristen òg for levering av Aksjeoppgåva 2023.

Du skal berre levere oppgåva dersom du har gjort endringar i den.

Dersom du oppdagar at du har sendt inn feil opplysningar og må sende inn ein gong til, kan du i Arkiv  velje «Lag ny kopi» og sende inn på nytt. Siste innsending gjeld.

Personlege skattytarar (inkludert personleg næringsdrivande) skal berre levere oppgåva dersom dei gjer endringar i oppgåva. Det kan berre gjerast endringar for aksjar som er kjøpte eller selde i 2023.

Selskapsaksjonærar skal ikkje levere oppgåva. For selskapsaksjonærar legg vi difor berre ut ein PDF til orientering i innboksen din.

For å fylle ut dette skjemaet for andre treng du Altinn-rolla Rekneskapsmedarbeidar. Signering krev rolla Avgrenset signeringsrett.

Du kan sjå kva rolle du har for ein aktør på sida sida Skjema og tenester du har rett til, som du finn under Profil. Dersom du ikkje har desse rollene, må du få nokon som har rollene til å delegere dei til deg.

Kven mottek Aksjeoppgåva 2023

Det er berre dei som har realisert eller anskaffa aksjar i 2023 som har motteke ei  korrigerbar oppgåve i Altinn (RF-1088K – Korrigerbar). Du skal berre levere Aksjeoppgåva 2023 - Korrigerbar om du har endringar i inngangsverdi (kjøpssum) eller realisasjonsvederlag (salgssum) for anskaffingar og realisasjonar som er gjort i løpet av inntektsåret.

Kvifor får du tilsendt oppgåva?

Oppgåva skal hjelpe deg med å kome fram til rette skattepliktige beløp slik at du får dei frådraga du har krav på i aksjeinntektene dine.
Personlege aksjonærar skal betale skatt av utbytte på aksjar og av gevinst ved sal av aksjar utover eit skjermingsfrådrag.

Kva skal du gjere?

Du må kontrollere oppgåva før du gjer deg ferdig med skattemeldinga.

Det er spesielt viktig at du kontrollerer:

• Motteke utbytte (post 205)
• Inngangsverdi/Realisasjonsvederlag (post 306)

Verdiane stemmer

Dei skattepliktige beløpa i post 110-130 er førehandsutfylte i skattemeldinga. Dersom du ikkje har endringar til oppgåva, treng du ikkje gjere noko.

Verdiane stemmer ikkje

Då må du rette dei tala som er feil eller mangelfulle, og føre det rette skattepliktige beløpet i skattemeldinga.

I slike tilfelle må du levere både skattemeldinga og denne oppgåva. Endringar i post 205 gjerast kun i skattmeldinga. Du kan få hjelp til å rekne ut det rette skattepliktige beløpet dersom du gjer desse rettingane i Altinn.

Rekalkulert oppgåve (RF-1088R)
Dersom du gjer endringar i oppgåva kan dette føre til at beløpa som skal stå i skattemeldinga må endrast. Dersom du gjer endringane i Altinn vil du få ei rekalkulert oppgåve etter nokre dagar. Du finn den i innboksen. Den rekalkulerte oppgåva viser mellom anna korrigerte beløp i post 110-130 som du skal overføre til skattemeldinga. Oppdateringa vil ta nokre dagar, og du bør difor gjere endringane i god tid før skattemeldingsfristen går ut.

Anskaffingar/realisasjonar som ikkje står i oppgåva

Dersom du ved utgangen av 2023 eigde aksjar som ikkje er med i oppgåva, skal du opplyse om desse direkte i skattemeldinga. Dersom du har selt eller på annan måte realisert aksjar i løpet av 2023 og desse aksjane ikkje står i oppgåva endrer du direkte i skattemeldinga. 

Aksjar du har på aksjesparekonto (ASK) står ikkje i denne oppgåva, men skal stå i skattemeldinga. Utbytte som vart delt ut før aksjane vart overførte til aksjesparekonto, skal likevel gå fram av aksjeoppgåva.

For meir om skjema, sjå rettleiinga på www.skatteetaten.no