Faktura (salsdokumentasjon)

Det er klare krav til kva opplysningar du må ha med i ein faktura som du sender til kundane dine. Eit viktig krav er at du ikkje skal kunne bestemme fakturanummeret.


Det er derfor berre to måtar å skrive ut ein faktura på:

  • Bruke eit fakturaprogram kor fakturanummer vert tildelte maskinelt, eller
  • Bruke fakturablankettar med påtrykte fakturanummer frå eit trykkeri. Her må også føretaksnamnet og organisasjonsnummeret kome fram

Fakturaen må ellers inneholde:

  • Datoen for salet
  • Seljaren sitt namn og organisasjonsnummer
  • Bokstavane MVA etter organisasjonsnummeret dersom du er registrert i Meirverdiavgiftsregisteret
  • Kjøparen sitt namn og si adresse eller organisasjonsnummeret
  • Ei klar beskriving av vara eller tenesta
  • Tidspunkt og stad for levering av vara eller tenesta
  • Pris med MVA spesifisert i norske kroner
  • Total pris
  • Betalingsfrist

For aksjeselskap (AS) og norskregistrerte utanlandske føretak (NUF) må ordet "Føretaksregisteret" kome fram på fakturaen. Eksempel: Bedrifta AS, org.nr 123 456 789 MVA Føretaksregisteret.

Dersom du på same faktura har både mva-pliktige og mva-frie sal må du spesifisere dette på eigne linjer. Har du ulike mva-satsar skal dette også spesifiserast på eigne linjer i fakturaen.

Bokføringsforskriften om dokumentasjon av salg av varer og tjenester

Kreditnota

Har du sendt ut feil faktura, eller ønskjer å endre ein utsend faktura av andre grunnar, kan du lage ein kreditnota. Ein kreditnota vert bruka for å korrigere ein tidlegare faktura. Det er same krav til dokumentasjon av ein kreditnota, som det er til ein faktura.

Om utstedelse av kreditnota

Elektronisk faktura

Ein elektronisk faktura blir send som ei datafil frå fakturautferdar til mottakar. Fila skal kunne importerast direkte i fakturamottakaren sitt økonomisystem og behandlast maskinelt. Eit PDF-dokument er ikkje ein elektronisk faktura.

Sel du til ei statleg verksemd vil dei krevje at du sender faktura, kreditnota og purringar elektronisk. Dokumenta må vere i samsvar med standarden "Elektronisk handelsformat" (EHF).

Fra april 2019 vil også kommuner og fylkeskommuner kreve faktura utstedt i EHF-format for innkjøp som er omfattet av anskaffelsesloven (over kroner 100.000,- eksklusive merverdiavgift).

EHF-standarden

Forskrift om elektronisk faktura i offentlige anskaffelser

Dersom du ikkje har eit fakturasystem som støttar EHF-standarden, finst det ulike webfakturaportalar som leverer løysingar der du kan sende ein slik faktura frå.

Fant du det du leitte etter?

Takk for tilbakemeldinga.

Åpne kontaktskjema