Firmabil

Har du tilsette i bedrifta di som nyttar bilen til bedrifta, må den tilsette som hovudregel skattleggjast for dette. Ein slik fordel vert rekna som lønn. (Er du sjølvstendig næringsdrivande og nyttar bil i næring, må du følgje reglane for yrkesbil.)


Ved firmabilordning i delar av inntektsåret, blir fordelen fastsett i forhold til kor mange påbyrja månader som bilen har stått til disposisjon for den tilsette.

Skatteloven om privat bruk av arbeidsgivers bil

Fordelen med bruk av firmabil skal reknast av listeprisen til bilimportøren ved førstegangsregistreringa. Verdien av ekstrautstyr skal også reknast av listeprisen til importøren, uansett om det er betalt av den tilsette eller deg. Det skal også reknast fordelsskatt etter dei ordinære reglane, sjølv om arbeidstakaren dekkjer delar av bilhaldet.

Bilpriser - listepris som ny

Fordelsskatten - hovudregel

For 2022 skal arbeidstakaren skattleggjast for 30 prosent av listeprisen på bilen opp til 329 600 kroner, og 20 prosent av det overskytande.

For varebilar klasse 2 og lette lastebilar (nedanfor omtala som varebil) vert det, når det er tenestleg behov for slik bil, gjeve eit botnfrådrag på 50 prosent av listeprisen, men maksimal reduksjon er 150 000 kroner.

  • Når bilen er eldre enn 3 år per 1. januar i inntektsåret, blir fordelen rekna av 75 prosent av listeprisen på bilen som ny. For varebilar vert botnfrådraget då rekna av 75 prosent av listeprisen.
  • Dersom du kan dokumentere at yrkeskøyringa overstig 40 000 km i inntektsåret, blir fordelen rekna av 75 prosent av listeprisen på bilen som ny. For ein bil eldre enn 3 år blir fordelen rekna av 56,25 prosent av listeprisen på bilen som ny. Det vert ikkje gjeve botnfrådrag for varebilar. Reiser til og frå heimen vert ikkje rekna som yrkeskøyring. Yrkeskøyring som overstig 40.000 km må dokumenterast med elektronisk køyrebok.
  • Disponerer arbeidstakaren elbil blir fordelen rekna av 80 prosent av listeprisen på bilen som ny. For ein bil eldre enn 3 år blir fordelen rekna av 60 prosent av listeprisen på bilen som ny. Det vert ikkje gjeve botnfrådrag for elektriske varebilar som nyttar 60 prosent regelen.

Skatteetaten - satser for firmabil

Spesielt for varebilar og lette lastebilar

For varebilar og lette lastebilar kor det er eit tenestleg behov, kan du i staden for dei ordinære reglane beskrivne ovanfor, nytte individuell utrekning av fordelsskatten (individuell fastsetjing).

Ved individuell fastsetjing vert fordelen rekna av den faktiske private bruken av bilen. For å nytte denne metoden er det eit krav at det vert ført elektronisk køyrebok. Køyreboka skal administrerast av deg og skal dokumentere total køyrelengde, og køyrelengde for yrkeskøyringa. Differansen skal skattleggjast som privat bruk av bilen med ein sats på kroner 3,40 for 2022.

Eksempel på standardreglane i 2022:

Arbeidstakaren disponerer ein eitt år gamal firmabil med listepris på 350 000 kroner og køyrer under 40 000 kilometer i yrket i året.

Personbil Beløp
Skattleggingsgrunnlag 350 000,-
30 % av 329 600 98 880,-
20 % av 20 400 (350 000 - 329 600) 4 080,-
Fordel firmabil 102 960,-
Varebil klasse 2 Beløp
Skattleggingsgrunnlag 350 000 - 50 %, men maksimalt 150 000 = 200 000,-
30 % av 200 000 60 000,-
20 % av 0 0,-
Fordel av firmabil 60 000,-

Bruk av arbeidstakar sin private bil:

Brukar arbeidstakaren sin eigen bil i staden for å ha tilgang på firmabil, kan arbeidstakaren skattefritt få kilometersats etter tabellen nedanfor. Vert det utbetalt godtgjersle som overstig den skattefrie satsen, vil det overskytande bli skattepliktig utbetaling. 

Skattefri sats: Beløp
Eigen bil uansett køyrelengde og biltype 3,50 per kilometer
Eigen elbil uansett køyrelengde 3,50 per kilometer
Tillegg for kvar passasjer 1,00 per kilometer
Tillegg for hengar 1,00 per kilometer
illegg for frakt av utstyr og materiell 1,00 per kilometer

Satsane gjeld for køyring i heile landet.

Fant du det du leitte etter?

Takk for tilbakemeldinga.

Åpne kontaktskjema