Tilskot til bioøkonomiprosjekt
Skal bedrifta di utvikla løysingar som aukar verdiskapinga basert på ressursar frå hav, jord og skog? Det kan vera mykje å tena på høgare foredling av bioressurser, og ta i bruk sidestraumar til nye produkt
Kven kan få finansiering?
Både små og store bedrifter som utviklar og tek i bruk løysingar for produksjon, foredling og distribusjon av bioressursar.
Kva kan finansierast?
Innovasjon Noreg finansierer utviklingsprosjekt i og på tvers av verdikjedene for bioressursar. Kostnader som kan dekkjast kan knyttast til:
- Produktutvikling, konseptutvikling og utvikling av forretningsmodell
- Kunnskapsinnhenting (forstått gjennom samanstilling av data, mindre analysar, dokumentasjon og kartlegging av marknadspotensial).
- Forbetra produksjon og tilgjengeleggjering av bioressursar.
- Opplæring gjennom mentorstøtte.
- Kunnskapsutveksling gjennom hospitering (erfaringsutveksling i produksjonsbedrifter internasjonalt).
- Utvikling av nye foredlingsprosessar og forprosjektering forut for pilotering og demoanlegg.
- Verifisering av norsk eller internasjonal teknologi forut for vedtak om innlisensering.
- Samarbeid mellom to eller fleire bedrifter med mål om bedriftsnettverk eller anna klyngeutvikling.
Prosjekta kan ha maksimalt to års varigheit og det er berre aktivitetar etter søknadstidspunktet som kan støttast.
