Tilskotsordningar frå Vestnorsk filmsenter
Vestnorsk filmsenter satsar på lokale filmskaparar og skal bidra til å bygge ein berekraftig filmbransje. Vestnorsk filmsenter skal sikre at film av høg kunstnarisk kvalitet blir produsert i regionen og skal bidra til at filmar frå Vestlandet kjem ut i verda.
Med Vestlandet meiner ein fylka Møre og Romsdal og Vestland. Prosjekt kan bli vurderte individuelt dersom dei har ei tydeleg forankring i regionen.
Kva kan du søke stønad til?
- utvikling og produksjon kortfilm
- utvikling og produksjon dokumentarfilm – enkeltståande og seriar
- samproduksjonar – produksjon
- utvikling spelefilm, seriar og spel
- kompetansehevande og bransjeutviklande tiltak
- talentutvikling
- filmkulturelle tiltak
Kven kan søke?
- Søkar må ha audiovisuell produksjon som hovudformålet sitt
- og vere registrert i Føretaksregisteret eller Einingsregisteret
- og ha kontoradresse på Vestlandet, og skatte til kommune på Vestlandet
- Søker kan ikkje vere eigd heilt eller delvis av eit kringkastingsselskap
Vestnorsk filmsenter gir stønad til kort- og dokumentarfilmprosjekt, bransjehevande tiltak, utvikling av langfilm og tv-seriar, manusrettleiing og interaktive produksjonar for barn og unge.
Tilskot blir elles gitt i samsvar med forskrift om tilskot til audiovisuelle produksjonar.
Tilskot blir gitt etter søknad. Det er normalt 5 søknadsfristar i året. Desse blir kunngjorde på Vestnorsk filmsenter sine nettsider. Det er 4-6 vekers behandlingstid på søknader som er sende inn.
