Løyve til framsyning, sal og utleie av film og videogram
Alle som skal visa film eller videogram i næring må ha løyve til dette frå kommunen.
Om denne tenesta
Alle som skal visa film og videogram i næringsverksemd.
Kvar enkelt kommune kan setje vilkår for tildeling av konsesjon for framsyning av film eller videogram i næring, jf. film- og videogramlova § 2 fjerde ledd. Løyvet kan bli gitt for ein periode opp til fem år. Etter ei lovendring som tredde i kraft frå 1. januar 2007, kan kommunane ikkje lenger knytte vilkår til konsesjonar for omsetnad av videogram.
Krav til søkjar:
Ved framsyning av film eller videogram i næring skal ein svare ei avgift til Norsk kino- og filmfond på 2,5 % av brutto omsetnad. For omsetnad av videogram i næring skal det betalast ei avgift til Norsk kino- og filmfond per videogram.
Minstealder for sal og utleie av videogram er 18 år.
Merknadar:
Film eller videogram som skal framsynast i næring, må på førehand vere registrert i Medietilsynet.
